منتدى عرب اكس فايف


 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 دام أنا بعينك حقيره أعشــقك يا أعظـم حقيـر

اذهب الى الأسفل 
كاتب الموضوعرسالة
Admin
رئيس مجلس الادارة
avatar

ذكر عدد الرسائل : 234
الدولة : .
تاريخ التسجيل : 24/09/2008

مُساهمةموضوع: دام أنا بعينك حقيره أعشــقك يا أعظـم حقيـر   الثلاثاء سبتمبر 30, 2008 10:59 am

قصيده أعجبتني وقلت انقلها لكم




إستشير القلب دامك تشعـر إنـك مستشـار
ولاتظن عيوني أبدا غيـر عينـك تستشيـر

لاتحسـب إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر

والقنـاع اللـي لبستـه مايغيـر هالمسـار
كل واحد في غرامه يمتلـك قلـب وضميـر

جيت لك موت وتحدي .. لو تبي جيت إنتحار
المهم إبقى عشانـك دام حبـك بـي خطيـر

كيفها عيونك حبيبـي لـو تناظـر بإحتقـار
دام أنا بعينك حقيره أعشقك يا أعظـم حقيـر

خلها تطـول المسافـه مـا أمـل الإنتظـار
دام أشوفك في خيالي عاشـقٍ مالـه نظيـر

ودامها صارت تحدي ما أحب لعـب الصغـار
وأبتدي أقنع عيوني بس تشوفك هـي كبيـر

وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر

وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر

دوم أنا أبقى قويه .. بـس أحـس بإنكسـار
تدري وش يعني شموخٍ داخله يبقى كسير ؟؟

تدري وش يعني عظيمٍ .. تشعره بالإنهيار ؟؟
تدري وش يعني غرامٍ مابه إنسانٍ يغيـر ؟؟

تدري وش يعني حبيبٍ راح عنك وإستدار ؟؟
تدري وش يعني بروده يشعلك نار السعير ؟؟

كلها تهون لعيونك وأشعـر إنـي بإنتصـار
وأمسك النـار بيدينـي ولا أفكـر بالمصيـر

دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر

التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر

شفتني كيف أنتهي بك شفتني ياأحلى مـرار
لجلـك أجبـر هالمربـع ياعذابـي يستديـر

ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر

تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر

والمسافه لـو بعيـده مـا أمـل الإختصـار
ماتهـم الجاذبيـه دام أنـا لعينـك أطـيـر

كلهم قالوا غريبه وين عقلك .. كيف طـار ؟
قلت أنا للـي خذانـي وإبتعـد عنـي كثيـر

يستشير الكـون لكـن مايفيـد المستشـار
هو عقب نظرة عيوني .. به عيونٍ يستشير ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabx5.yoo7.com
 
دام أنا بعينك حقيره أعشــقك يا أعظـم حقيـر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عرب اكس فايف :: منتدى الشعر و المقالات و الابوذيات-
انتقل الى: