حـبــس المشــــاعــر

كثر حبس المشاعر ثـور بقلـب الشقـي بركـان

وهتـك ستـر الضمايـر ليـن بيـن كـل خافيهـا

وكشف سر(ن) طويته فـي ثنايـا دفتـر الكتمـان

علـيـه الله وكـبـر نيـتـه نفـسـي يعنيـهـا

ونقض جرح(ن) قديم(ن) ساكن(ن) في غبة الوجدان

وفتـح للهم درب(ن) زاد فـي نفسـي بلاويـهـا

اداري واكتـم العبـره واسـوق النفـس للنسيـان

اداوي جرحـي بنفسـي وتجرحـنـي واداويـهـا

ومل الصبر من صبـري ومـال الكيـل بالميـزان

وعصتنـي دمعـة(ن) ياطـول ماحاولـت اداريهـا

على اوتار الحزن قلـب المعنـا يعـزف الالحـان

ولا غـيـره يـرددهـا ولاغـيــره بغنـيـهـا

ينام السالـي بليلـه وطرفـي باكـي(ن) سهـران

وتغيب نجوم ونجـوم(ن) معـي تسهـر واناجيهـا

عرفت اشكال مختلفه من اهمومـي عرفـت الـوان

ينـادي قلبـي اهمومـه وتتبـع صـوت داعيهـا

وسارت خطوتي بارض الوهم تايـه بـلا عنـوان

وسفينـة حظـي العاثـر نسـت وجهـة موانيهـا

ونشف غصن الهوا وانتل عرقه واحترق عطشـان

وماتـت لحظـة الفرحـه قبـل تكـمـل لياليـهـا

وذبل ورد الغرام اللـي سقـاه مـن الجفـا هتـان

قصيدة حبـي العـذرا رثتنـي قبـل انـا ارثيهـا

وصارت قصة العاشـق تـردد فـوق كـل لسـان

كتبـت فصولهـا بدمـي وبدموعـي ابـا ارويهـا

ادير الفكر في حالـي ويرجـع عاجـز(ن) حيـران

عجـزت اميـز احوالـي مـن اولـهـا لتاليـهـا

خلصت من الهوى توبـه قفلـت بوجهـه البيبـان

وابنزع صفحتـي مـن دفتـر العشـاق واطويهـا

وابنسى كل ماجاني وابنسـى كـل شـي(ن) كـان

عسى رجلي عن دروب الشقـا تقصـر خطاويهـا